Plantun de Prouvènço

Pèr coumpara dos planto d'encò nostre

Potentilla velutina & Ononis breviflora

Potentilla velutina

Rosaceae

Nom en français : Potentille veloutée.

Descripcioun :
Aquest fragoun rebalo dins li tepiero roucaiouso e sus li cresten venta de nòsti colo fin qu'aperaqui 1200 m. Se recounèis à si fueio grisasso, cuberto de péu estela sus lou dessouto e quàsi toujour di tres partido. Fai gaire de flour, jauno un pau grando e que toumbon mai lèu que li dóu fragoun-de-printèms, Potentilla verna.

Usanço :
A bessai li mémi prouprieta de sarra li car (astringènt) que si cousin.

Port : Erbo
Taio : 3 à 10 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Potentilla
Famiho : Rosaceae

Ordre : Rosales

Coulour de la flour : Jauno
Petalo : 5
Ø (o loungour) flour : 1 à 1,5 cm
Flourido : Printèms Ivèr

Sòu : Ca
Autour basso e auto : 200 à 1200 m
Aparado : Noun
Mars à jun

Liò : Cresten venta - Tepiero roucaiouso
Estànci : Subremediterran à Mountagnard
Couroulougi : Éurasiatico
Ref. sc. : Potentilla velutina Lehm., 1835

Esbroutouiro(-di-flour-courteto)

Ononis breviflora

Fabaceae Leguminosae

Nom en français : Bugrane à fleurs courtes.

Descripcioun :
Aquesto esbroutouiro di flour jauno, pulèu raro, trachis dins li tepiero seco e maigro souvènt sus sablo o argielo. Flouris tre lou mes d'abriéu fin qu'en jun. A un port que rebalo au sòu d'ounte parton quàuqui cambo de flour. Se destrìo de Ononis viscosa que s'atrovo soulamen en ribo de mar, emé si flour mai pichoto de 7 à 10 mm.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 15 à 50 cm
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Ononis
Famiho : Fabaceae
Famiho classico : Leguminosae

Ordre : Fabales

Coulour de la flour : Jauno
Petalo : irreguliero
Ø (o loungour) flour : 0,7 à 1 cm
Flourido : Printèms

Sòu : Ca
Autour basso e auto : 0 à 600 m
Aparado : Noun
Abriéu à jun

Liò : Tepiero seco - Ermas - Camin
Estànci : Termoumediterran à Mesoumediterran
Couroulougi : Estenoumediterrano
Ref. sc. : Ononis breviflora DC., 1825 (= Ononis viscosa subsp. breviflora (DC.) Nyman, 1878 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Potentilla velutina & Ononis breviflora

ges

Coumpara Fragoun(-velouta) emé uno autro planto

Coumpara Esbroutouiro(-di-flour-courteto) emé uno autro planto